Taskeen na ho jis se wo raaz badal dalo
Jo raaz na rakh paye hum-raaz badal dalo
Tum ne bhi suni hogi bari aam kahawat hey
Anjam ka ho khatra aghaz badal dalo
Pur-soz dilon ko jo muskan na dey paye
Sur hi na milay jis mein wo saaz badal dalo
Dushman kay iradon ko hey zahir agar kerna
Tum khel wohi khelo andaz badal dalo
Aey dost karo himmat kuch door sawera hey
Agar chahtay ho manzil tou perwaz badal dalo
